فيروز تغني الرحابنة ( 14)

اذهب الى الأسفل

فيروز تغني الرحابنة ( 14)

مُساهمة من طرف ليث وردة في السبت يوليو 26, 2008 1:42 am

يا قلبي لا تتعب قلبك - الأخوين رحباني

يا قلبي لا تتعب قلبك و بحبك على طول بحبك
بتروح كتير بتغيب كتير و بترجع عادراج بعلبك .. يا قلبي لا تتعب قلبك
ماشي و القمر ماشي تبعت مراسيل
يا قلبي المتل فراشي حول القناديل
لا بتعرف وهج النار و لا بتكفي المشوار
و ملبك بالحب ملبك و تروح و ترجع عابعلبك
أنا مين اللي صحاني من عز النوم
و صوب عيونك وداني من أول يوم
أنا مين و إنتا مين يا نحنا المنسيين
و دربي بعدني عن دربك أه و إندهلك يا حبيبي بحبك
..............................................................

بقولو زغير بلدي - الأخوين رحباني
بيقولوا زغير بلدي بالغضب مسور بلدي
الكرامي غضب و المحبي غضب و الغضب الأحلى بلدي
و بيقولوا قلال و نكون قلال بلدنا خير و جمال
و بيقولو يقولوا شم هم يقولوا شوية صخر و تلال
يا صخرة الفجر و قصر الندي يا بلدي
يا طفل متوج عالمعركي غدي يا بلدي
يا زغير و بالحق كبير و ما بيعتدي يا بلدي
..................................................................

بحبك يا لبنان - الأخوين رحباني
بحبك يا لبنان يا وطني بحبك
بشمالك بجنوبك بسهلك بحبك
تسأل شو بني و شو اللي ما بني
بحبك يا لبنان يا وطني
عندك بدي إبقى و يغيبوا الغياب
إتعذب و إشقى و يا محلا العذاب
و إذا إنتا بتتركني يا أغلى الأحباب
الدنيي بترجع كذبة و تاج الأرض تراب
بفقرك بحبك و بعزك بحبك
أنا قلبي عاإيدي لا ينساني قلبك
و السهرة عا بابك أغلى من سني
و بحبك يا لبنان يا وطني
سألوني شو صاير ببلد العيد
مزروعة عالداير نار و بواريد
قلتلن بلدنا عم يخلق جديد
لبنان الكرامي و الشعب العنيد
كيف ما كنت بحبك بجنونك بحبك
و إذا نحنا إتفرقنا بيجمعنا حبك
و حبة من ترابك بكنوز الدنيي
و بحبك يا لبنان يا وطني
.............................................................

اخر ايام الصيفية - الأخوين رحباني
أخر إيام الصيفيي و الصبيي شويي شويي
وصلت عاساحة بميس الريم و إنقطعت فيها العربيي
أخر إيام المشاوير في غيمي زرقا و برد كتير
وحدي منسيي بساحة رماديي أنا و الليل و غنيي
تأخرنا و شو طالع بالإيد حبيبي و سبقتنا الواعيد
أنا لو فيي زورك بعينيي و عمرا ما تمشي العربيي
......................................................................

سألوني الناس - الأخوين رحباني
سألوني الناس عنك يا حبيبي
كتبوا المكاتيب و أخدها الهوا
بيعز عليي غني يا حبيبي
و لأول مرة ما منكون سوا
سألوني الناس عنك سألوني
قلتلن راجع أوعى تلوموني
غمضت عيوني خوفي للناس
يشوفوك مخبى بعيوني
و هب الهوى و ما كان الهوى
لأول مرة ما منكون سوا
طل من الليل قلي ضويلي
لاقاني الليل و طفى قناديلي
و لا تسأليني كيف إستهديت
كان قلبي لعندك دليلي
و اللي إكتوى بالشوق إكتوى
لأول مرة ما منكون سوا
.......................................................
الله معك يا هوانا - الأخوين رحباني
الله معك يا هوانا يا مفارقنا
حكم الهوي يا هوانا و اتفارقنا
و يا أهل السهر يللي نطرونا
بكرا إذا إنذكروا العشاق ضلوا إتذكرونا
يا حزن السعيد إنتهينا و إتودعنا
ما بنسى شو بكينا و صلينا تاتضلك معنا
و يا أهل الهوى يللي نطرونا
بكرا إذا إنذكروا العشاق ضلوا إتذكرونا
نبقى سوى و صوتك بالليل يقلي و أنا عم إسمع
بحبك حتى نجوم الليل نجمي و نجمي توقع
و خلص الحب و سكتت الكلمي
و إتسكر القلب ما وقع و لا نجمي
ما تاري الكلام بيضلو كلام
و كل شي بيخلص حتى الأحلام
و الإيام بتمحي إيام
..................................................................

يا طير الوروار - الأخوين رحباني
دخلك يا طير الوروار رحلك من صوبن مشوار
و سلملي عالحبايب و خبرني بحالن شو صار
عاتلال الشمس المنسيي على ورق الدلب الأصفر
إنطرونا هنا شويي شويي و تصير الدنيي تزغر
و بكروم التين ينده تشرين يا حبيبي
ياما بسكوت الأمريي بسمع صوتك يندهلي
ليليي و خوفي ليليي يعوا شي مرا أهلي
و تتعب أسرار تحزن أسرار يا حبيبي
.............................................................

خدني - الأخوين رحباني
خدني على تلات هالحلوين
خدني على الأرض اللي ربتنا
إنساني على حفاف العنب و التين
إشلحني على ترابات ضيعتنا
بواب العتيقا عم تلوحلي
و صوت النهورا ينده الغياب
و عيون عاشبابيك تشرحلي
صحاب عم بتقول نحنا صحاب
و إمشي على طرقات منسيي
دنية غياب و رح يبيت الطير
أنطر شي إيد تسلم عليي
شي صوت عم بيقول مسا الخير
خدني إزرعني بأرض لبنان
بالبيت يللي ناطر التلي
إفتح الباب و بوس الحيطان
و إركع تحت أحلى سما و صلي
أنا صار لازم ودعكن و خبركن عني
أنا كل القصة لو منكن ما كنت بغني
غنينا أغاني عوراق غنية لواحد مشتاق
و دايمن بالأخر في أخر في وقت فراق
يا جماعة لازم خبركن هالقصة عني
أنا كل شي بقولو عم حسو و عم يطلع مني
موسيقيي دقو و فلو و العالم صارو يقلو
و دايمن في الأخر في أخر في وقت فراق
بكرا برجع بوقف معكن اذا مش بكرا البعدو أكيد
أنتو أحكوني و أنا بسمعكن حتى لو للصوت بعيد
بلا موسيقتنا الليلة حزينة بلا غنية اليلة بتطول
كل ليلة بغني بمدينة و بحمل صوتي و بمشي عطول
و لا غنية نفعت معنا و لا كلمة الا شي حزين
اذا ما بكينا و لا دمعنا لا تفتكرو فرحانيين
............................................................

إحكيلي إحكيلي عن بلدي إحكيلي - الأخوين رحباني
إحكيلي إحكيلي عن بلدي إحكيلي
يا نسيم اللي مارق عالشجر مقابيلي
عن أهلي حكايي عن بيتي حكايي
و عن جار الطفولي حكايي طويلي
يا نسيم اللي مارق عا أرض الغار
حلفتك تجي تلعب عندي بهالدار
خبرني انكان بعدو بيذكرني
ببلدي و عالسهرة ناطرني
ساعات الفرح القليلي حبيبي إحكيلي
حلفتك خبرني كيف حال الزيتون
و الصبي و الصبيي بفيي الطاحون
و اللوزي و الأرض و سمانا
هو هني بلدنا و هوانا
زهر الأيام البخيلي حبيبي إحكيلي
......................................................................

في قهوة عالمفرق - الأخوين رحباني
في قهوة عالمفرق في موقدة و في نار
نبقى أنا و حبيبي نفرشها بالأسرار
جيت لقيت فيها عشاق اتنين زغار
قعدوا على مقاعدنا سرقوا منا المشوار
يا ورق الأصفر عم نكبر عم نكبر
الطرقات البيوت عم تكبر عم تكبر
تخلص الدنيي و ما في غير يا وطني
يا وطني أه بتضلك طفل زغير
متل السهم الراجع من سفر الزمان
قطعت الشوارع ما ضحكلي انسان
كل أصحابي كبروا و أتغير اللي كان
صاروا العمر الماضي صاروا دهب النسيان
..............................................................

يا جبل الشيخ - الأخوين رحباني
يا جبل الشيخ يا قصر الندي
و حبيبي بكير لعندك غدي
يا جبل الشيخ رباك الهوا
و حبيبي و أنا ربينا عالهوى
و يا جبل العالي لو تعرف بحالي
هديت رياحك و قلبي ما هدي
يمرقوا و بيروح من عنا القمر
و على البال تعن ايام الزغر
يا لون اليمامي و يا تفاح الشامي
تعزمنا منقلك رح نجي غدي
............................................................

تبقى ميل - الأخوين رحباني
تبقى ميل تبقى اسأل متل الأول ضل اسأل
الله لا يشغلك بال وديلي منك مرسال ... أسأل أسأل
أنا ما بدي تجي و تقول أعذريني مشغول
لفتة من بعيد بتكفيني و قلبي لك على طول
لا توديلي الزهر سلال و بالشوق تجرح موال
بس اسألني كيف الحال اسأل اسأل
سهرات القمر الحلوين هجرونا من سنين
زعلوا ناس و رضيوا ناس و نحنا المنسيين
أيام تغرب و قبال عينيي عالدرب خيال
و بلبل عاشق غط و قال اسأل اسأل
................................................................

بكتب أسمك يا حبيبي - الأخوين رحباني
بكتب اسمك يا حبيبي عالحور العتيق
تكتب اسمي يا حبيبي عرمل الطريق
بكرا بتشتي الدنيي عالقصص المجرحه
بيبقى اسمك يا حبيبي و اسمي بينمحى
بحكي عنك يا حبيبي لأهالي الحي
بتحكي عني يا حبيبي لنبعة المي
و لما بيدور السهر تحت قناديل المسا
بيحكوا عنا يا حبيبي و أنا بانتسى
و هديتني وردة فرجيتا لصحابي
خبيتا بكتابي زرعتا عالمخده
هديتك مزهرية لا كنت تداريها
و لا تعتني فيها تاضاعت الهدية
و بتقلي بتحبني ما بتعرف قديش
ما زالك بتحبني ليش دخلك ليش
..........................................................

لا تعتب عليي - الأخوين رحباني
لا تعتب عليي اخرني القمر
ضيعتنا هنيي و طالعلا السهر
يا خجلة عينيي لو يعرفوا فيي
لومك مش عليي لومك عالقمر
و قلتلك يا جاري احميني من الهوى
نحنا بالبراري تربينا سوى
ما تاري سوى أنت و هالهوى
اتفقتوا عليي و ما عندي خبر
حلفتني أمي ما حاكي حدا
قالتلي يا أمي اياك العدا
أنت مش حدا و لا أنت العدا
أنت البعينيي رابة من الزهر
............................................................

لا أنت حبيبي - الأخوين رحباني
لا أنت حبيبي و لا ربينا سوى
وقصتنا الغريبي شلعها الهوى
و صرت عنك غريبي انساني يا حبيبي
امبارح تلاقينا قعدنا عاحجر
برد و حوالينا عريان السجر
خزقنا الصور و محينا القمر
ردتلو مكاتيبو و ردلي مكاتيبي
كل من طوي شراعو و راح بهالمدى
ولدين و ضاعوا عاجسر الصدى
تفرقنا بهدا و الدنيي هدا
بخاطري صليلي تسعد يا حبيبي
........................................................

لشو الحكي - الأخوين رحباني
لشو الحكي طالل علينا قمر
خلي النظر للنظر يشرح هواه و يشتكي
لشو الحكي عند التلاقي سوى
أهل الغوى عالهوى يتفاهموا من غير حكي
بيني و بينك يا حلو شو صار في حكايات
ما في كلام يساعها منقولها لفتات
كنا نراسل بالومى و نقول شرح يطول
و لما اجتمعنا لحالنا نسينا شو بدنا نقول
.....................................................

يا حلو شو بخاف - الأخوين رحباني
يا حلو شو بخاف أني ضيعك
نمرق على الجسر العتيق
و تروح مني بهالطريق
لوين ما تقلي و لا تاخدني معك
يا حلو شو بخاف أني اسالك
كنو بعد بتحبني
قد البحر قد الدنيي
بفزع لتضجر من سؤالي و زعلك
يا حلو شو بخاف ليله عاصفة
يخطر عابالك شي نجم
و تقوم تمشي بهالعتم
و أنطر أنا عالباب أنطر خايفة
ساعة اذا مرقت و ما شفتك فيا
شوف شوف حالي زغيرة
وحدي بهوني قنطرة
و عالدنيي ينزل ضباب و يمحيا
اعملني متل خاتم دهب بأصبعك
تركني حاكيك و اسمعك
خدني على قلبك معك
دخلك بخاف اني ضيعك .. يا حلو
.................................................

بعدك على بالي - الأخوين رحباني
طل و سألني اذا نيسان دق الباب
خبيت وجيي و طار البيت في و غاب
حبيت افتحلو عالحب اشرحلو
طليت ما لقيت غير الورد عند الباب
بعدك على بالي يا قمر الحلوين
يا زهرة بتشرين يا دهبي الغالي
بعدك على بابي يا حلو يا مغرور
يا حبق و منتور على سطح العالي
مرق الصيف بمواعيدو و الهوى لملم عناقيدو
و ما عرفنا خبر عنك يا قمر و لا حدا لوحلنا بإيدو
بتطل الليالي و بتروح الليالي و بعدك على بالي
...................................................

_________________
ربما تطفئ في ليلي شعله
ربما أحرم من أمي قبله
ربما يشتم شعبي وأبي، طفل، وطفله
ربما تغنم من ناطور أحلامي غفلة
ربما ترفع من حولي جداراً وجداراً وجدار
ربما تصلب أيامي على رؤيا مذله
يا عدو الشمس.. لكن.. لن أساوم
وإلى آخر نبض في عروقي.. سأقاوم
avatar
ليث وردة
سلموني جديد

عدد الرسائل : 83
العمر : 39
تاريخ التسجيل : 08/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى