salamia
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

فيروز تغني لـ زياد وجبران وطلال حيدر

2 مشترك

اذهب الى الأسفل

فيروز تغني لـ زياد وجبران وطلال حيدر Empty فيروز تغني لـ زياد وجبران وطلال حيدر

مُساهمة من طرف ليث وردة الأحد يوليو 27, 2008 12:29 am

كيفك أنت - زياد الرحباني

بتذكر أخر مرة شفتك سنتا
بتذكر وقتا أخر كلمة قلتا
و ما عدت شفتك و هلق شفتك
كيفك أنت ملا أنت
بتذكر أخر سهره سهرتا عنا
بتذكر كان في واحدة مضايق منا
هيدي أمي بتعتل همي
منك إنتا ملا إنتا
كيفك قال و عم بيقولو صار عندك ولاد
أنا و الله كنت مفكرتك براة البلاد
شو بدي بالبلاد الله يخلي الولاد
بيطلع عبالي ارجع أنا و اياك
انت حلالي ارجع أنا وياك
أنا و انت ملا انت
بتذكر اخر مرة شو قلتلي
بدك ضلي بدك فيكي تفلي
زعلت بوقتا و ما حللتا
أنو انت هيدا انت
بترجع عراسي رغم العيال و الناس
إنتا الاساسي و بحبك بالأساس
بحبك أنت ملا أنت
...................................................

في شي عم بيصير - زياد الرحباني
بسأل علي كتير و بتحبني
بعرف هالحكي حافظة هالحكي
كل الحكي حلو و مع انو حلو
ليش بيضلو أحساس يقلي لأ
في شي بدو يصير في شي عم بيصير
تمرق علي كتير و بتخصني
بعرف هالقصص حافظة هالقصص
كل القلتو حلو و مع انو حلو
ليش بيضلو أحساس يقلي لأ
في شي بدو يصير في شي عم بيصير
.......................................................

عندي ثقة فيك - زياد الرحباني
عندي ثقة فيك عندي أمل فيك
بيكفي شو بدك يعني أكتر بعد فيك
عندي حلم فيك عندي ولع فيك
بيكفي شو بدك أنو يعني موت فيك
و الله رح موت فيك صدق اذا فيك
بيكفي شو بدك مني اذا متت فيك
معقول في أكتر أنا ما عندي أكتر
كل الجمل يعني عم تنتهي فيك
حبيتك متل ما حدا حب و لا بيوم رح بيحب
و أنتا شايفها عادية و مش بهالأهمية
بجرب ما بفهم شو علقني بس فيك
بكتب شعر فيك بكتب نثر فيك
بيكفي شو ممكن يعني أكتب بعد فيك
معقول في أكتر أنا ما عندي أكتر
ما كل الجمل يعني عم تنتهي فيك
تحكبني متل طفل صغير و هاملني كتير
لو شي مرا صبحيي تفكر تتصل في
قلي شو يللي بيعلقني بس فيك
..........................................................

مش قصة هاي - زياد الرحباني
بتمرق علي إمرق ما بتمرق ما تمرق مش فارقة معاي مش فارقة معاي
بتعشق علي إعشق ما بتعشق ما تعشق مش فارقة معاي مش فارقة معاي
عندك مكانة و صيت كبير
في عندك عندي من التقدير شي كتير
لكن بتروح بترم مش مسموح و أعذارك ما بتنفع معاي
بتشفق علي إشفق ما بتشفق ما تشفق مش هينة علي مش فارقة معاي
بتعلق معاي إعلق ما بتعلق أه القصة مش هاي مش قصة هاي
حبك اناني بالتفكير و مفكر إنك إنتا وحيد و عنيد
على شو مسنود على شي مش موجود
عم تغلط و تزود علي
بتصدق معاي إصدق ما بتصدق ما تصدق قصة مش هاي مش قصة هاي
بتفرق معاي تفرق ما بتفرق ما تفرق قصة مش هاي مش قصة هاي
هيدي الغنية جزء صغير من عقلك و الشقا و التعتير شي كتير
و لو وقت يساع بتصير ما بتنذاع بتجرصنا العالم كفاي
تسودن مساك يلا ما تسودن خير من الله مش أنت مساي و مش قصة هاي
.......................................................................

سلملي لي - زياد الرحباني
سلملي لي عليه و قلو إني بسلم عليه
و بوسلي عينيه و قلو إني ببوس عينيه
إنتا يللي بتفهم عليه سلملي عليه سلم
قلو عيونو مش فجأة بينتسو
ضحكات عيونو ثابتين ما بينقصو
مدري شو بو و بعرف شو بو
مطبوعة بذاكرتو ما تبحثو عم تبحثو
ما تبحثو ما تبحثو ما تبحثو
هيدا حبيبي اللي إسمي بيهمسو
تعبان على سكوتو و دارسو
واضح شو بو ما تقول شو بو
أعمل نفسك مش عارف ما تحرأسو بتحرأسو
ما تحرأسو ما تحرأسو ما تحرأسو
سلملي لي عليه و قلو إني بسلم عليه
بوسلي عينيه هو و مفتحهن عينيه
و بوسو بخدو طوللي عليه فهمت علي أيه و سلم
و أنا عم غني المذهب و لما بغني ردو عليه
و بعدو نفسو المذهب و لولا قدرتو زيدو عليه
و عودو تبقو عيدو الكوبلية سلملي عليه سلم
.........................................................

ضاق خلقي - زياد الرحباني
ضاق خلقي يا صبي من هالجو العصبي ضاق خلقي ضاق خلقي
يا صبي الما بتفهم من نظرة و لا بحتى حكي
مانعني إفعل أو إئتي أيا حركي
بتحكي و بتصير ما بتسمع و إذا جاوبتك مرة بتفقع
مطوقني بحبك و مسيج من حولي الدنيا و عا جنبي
ضاق خلقي يا صبي شو ما بتفهم عربي ضاق خلقي ضاق خلقي
يا صبي شكك ما بينفع شو بينفع يا ترى
مين قلك تستسهل تكذب دايمن عا مرا
و بتوعد إنو بتتغير ما الهيأة و الأمل زغير
مبارج عالوصلي مفتشلي أغراضي و مفتحلي علبي
ضاق خلقي يا صبي لأ مش كلو بسببي ضاق خلقي ضاق خلقي
............................................................

إشتقتلك - زياد الرحباني
برغم الحاصل من زمان الوقت الكافي للنسيان عزة نفسي كإنسان إشتقتلك
و رغم الغلطة و ما حلا و قصتنا يللي حلا إنو ننساها كلا إشتقتلك
و واضح إنك ناسيني و مش محتاج تواسيني مش بقصدك مإسيني و إشتقتلك
إشتقتلك إشتقتلي بعرف مش رح بتقلي طيب أنا عم قلك إشتقتلك
طيب مش قصة ما تقلي و أصلن مش هون العلي العلي ما تكون إشتقتلي إشتقتلك
و بعرف إنو ما بيسوا و شي يمنعني من جوا شي تاني حسو أقوى إشتقتلك
و هيدي السجرا العتيقا يللي ما كنا نطيقها حبيتا و إشتقتلا و إشتقتلك
ما بعرف شو صايرلك إنتا عا بعضك كلك ما تقلي ما قلتلك إشتقتلك
هلق عايش عالهلي و بكرا راح تستفقدلي تسأل مين كان يقلي إشتقتلك
.........................................................

مش كاين هيك تكون - زياد الرحباني
كان غير شكل الزيتون كان غير شكل الصابون
و حتى إنتا يا حبيبي مش كاين هيك تكون
كان غير شكل الليمون كان غير شكل اليانسون
و كاين إنتا يا حبيبي مش كاين هيك تكون
يا ضيعانن راحوا شو ما صار لكن راحوا مش سامع غنية راحوا؟
كان أوسع هالصالون كان أشرح هالبلكون
و طبعاً أنتا يا حبيبي حبك كان قد الكون
شو كان أهدى الكميون طالع دوغري و موزون
و حتى عيونك يا حبيبي كان عندك غير عيون
يا ضيعانن راحوا شو ما صار لكن راحوا مش سامع غنية راحوا؟
كان يبقى الحب جنون يخلص بحرف النون
و مش كل إنساني تمرق تفرق و تصير تمون
كاين رق و حنون أو مايل عالغصون
و إذا هلق حبك غير ريتو عمرو ما يكون
ريتو عمرو ما يكون ريتو عمرو ما يكون
..............................................................

معرفتي فيك - زياد الرحباني
معرفتي فيك إجت عا زعل
معرفتي فيك ما كانت طبيعيي من بعد ملل
حبك لإلي بلش متل الشفقة كان بدي حنان
و ما كنت سألاني و علقاني بهالحلقة محتاجي إنسان
بس اليوم ما بعرف كيف قلك يمكن هلق عم قلك
حبيبي لآخر مرة بقلك حبيبي مش أنت حبيبي
....................................................

بعتتلك - زياد الرحباني
بعتتلك يا حبيب الروح بعتتلك روحي
و قلتلك مادام حتروح خد معاك روحي
أنا خايفه وديلك قلبي و تكون ناسيني و ناسي حبي
أنا عاشقة دايمن يا حبيبي روحي فإيدك يا حبيبي
.................................................................

البوسطة - زياد الرحباني
موعود بعيونك أنا موعود و شو قطعت كرمالن ضيع و جرود
إنتي إنتي إنتي عيونك سود و منك عارفي شو بيعملو فيي عيون السود
عاهدير البوسطة الكانت نقلتنا من ضيعة حملايا على ضيعة تنورين
تذكرتك يا عليا و تذكرت عيونك و يخرب بيت عيونك يا عليا شو حلوين
نحنا كنا طالعين بهالشوب و فطسانين
واحد عم ياكل خس و واحد عم ياكل تين
في واحد هو و مرتو و لوه شو بشعة مرتو
هنيالن ما أفضى بالن ركاب تنورين
و مش عارفين عيونك يا عليا شو حلوين
نحنا كنا طالعين طالعين و مش دافعين
ساعة نهديلو البال و ساعة نهدي الركاب
و هيدا اللي هو و مرتو عباء و داخت مرتو
و حياتي كان بيتركها تطلع وحدا عا تنورين
لو بيشوفو عيونك يا عليا شو حلوين
يا معلم لو بتسكر هالشباك يا معلم
الهوا يا معلم رح يصفقنا الهوا يا معلم
..........................................................

اعطني الناي و غني - جبران خليل جبران
أعطني الناي و غن فالغنا سر الوجود/الخلود
و أنين الناي يبقى بعد أن يفنى الوجود
هل تخذت الغاب مثلي منزلا دون القصور
فتتبعت السواقي و تسلقت الصخور
هل تحممت بعطر و تنشفت بنور
و شربت الفجر خمراُ في كؤوس من أثير
أعطني الناي و غن فالغنا خير الصلاة
و أنين الناي يبقى بعد أن تفنى الحياة
هل جلست العصر مثلي بين جفنات العنب
و العناقيد تدلت كثريات الذهب
هل فرشت العشب ليلاُ و تلحفت الفضا
زاهداُ في ما سيأتي ناسياُ ما قد مضى
أعطني الناي و غن فالغنا عدل القلوب
و أنين الناي يبقى بعد أن تفنى الذنوب
أعطني الناي و غن و انس داء و دواء
إنما الناس سطور كتبت لكن بماء
...............................................................

سكن الليل - جبران خليل جبران
سكن الليل و في ثوب السكون تختبي الأحلام
وسع البدر و للبدر عيون ترصد الأيام
فتعالي يا إبنة الحقل نزور كرمة العشاق
علنا نطفي بذياك العصير حرقة الأشواق
أسمع البلبل ما بين الحقول يسكب الألحان
في فضاء نفخت فيه التلول نسمة الريحان
لا تخافي يا فتاتي فالنجوم تكتم الأخبار
و ضباب الليل في تلك الكروم يحجب الأسرار
لا تخافي فعروس الجن في كهفها المسحور
هجعت سكرى و كادت تختفي عن عيون الحور
و مليك الجن إن مر يروح و الهوى يثنيه
فهو مثلي عاشق كيف يبوح بالذي يضنيه
...........................................................
يا بني أمي - جبران خليل جبران
في ظلام الليل أناديكم هل تسمعون
مات أهلي و عيونهم محدقة في سواد السماء
في ظلام الليل أناديكم هل تسمعون
مات أهلي و غمرت تلال بلادي الدوع و الدماء
الويل لأمة كثرت فيها طائفها و قل فيها الدين ... الويل لها
الويل لأمة تلبس مما لا تنسج و تشرب مما لا تعصر ... الويل لها
و الويل لأمة مقسمة و كل ينادي انا أمة ... الويل لها
يا بني أمي الحق الحق أقول لكم
وطني يأبى السلاسل وطني أرض السنابل
وطني الفلاحون وطني الكرامون
وطني البناؤون و الغار و الزيتون
وطني هو الأنسان وطني لبنان
...........................................................

وحدن - طلال حيدر
وحدن بيبقو متل زهر البيلسان وحدهن بيقطفو وراق الزمان
بيسكرو الغابي بيضلهن متل الشتي يدقوا على بوابي على بوابي
يا زمان يا عشب داشر فوق هالحيطان ضويت ورد الليل عكتابي
برج الحمام مسور و عالي هج الحمام بقيت لحالي لحالي
يا ناطرين التلج ما عاد بدكن ترجعو صرخ عليهن بالشتي يا ديب بلكي بيسمعو
وحدن بيبقو متل هالغيم العتيق وحدهن وجوهن و عتم الطريق
عم يقطعوا الغابي و بإيدهن متل الشتي يدقوا البكي و هني على بوابي
يا زمان من عمر فيي العشب عالحيطان من قبل ما صار الشجر عالي
ضوي قناديل و أنطر صحابي مرقو فلو بقيت عبابي لحالي
يا رايحين و التلج ما عاد بدكن ترجعو صرخ عليهن بالشتي يا ديب بلكي بيسمعو
................................................................

يا رايح - طلال حيدر
يا راعي القصب مبحوح جايي عبالي شروقي
قللو للقصب ما يبوح بالسر اللي بعروقي
و إن ضعنا سوى بهالليل خلي صوتك مسموعي
يا رايح صوب مشرق شرق ما بو ربيعي
راحوا يرعوا غنمهن و العشب فوق ضلوعي
و ايام الغابن ولفي لعدن عا صابيعي
و عتم علينا يا ليل و ضيعي يا حلوة ضيعي
قالولي إني عشقان و أني مش داري بحالي
بين الصاحي و الغفيان لمحت خيالك قبالي
كان الصبح شنو بان و ادان الصبح عالي
و نازل من صوبن مرسال و من عيني نزلوا دموعي
......................................................................
ليث وردة
ليث وردة
سلموني جديد

عدد الرسائل : 83
العمر : 44
تاريخ التسجيل : 08/07/2008

الرجوع الى أعلى الصفحة اذهب الى الأسفل

فيروز تغني لـ زياد وجبران وطلال حيدر Empty رد: فيروز تغني لـ زياد وجبران وطلال حيدر

مُساهمة من طرف قيصر سلمية الأحد يوليو 27, 2008 1:28 am

مشكور ليث وبصراحة أغاني فيروز من كلمات جبران روائع تخلد
قيصر سلمية
قيصر سلمية
المدير

عدد الرسائل : 105
العمر : 35
تاريخ التسجيل : 05/07/2008

https://salamia.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى